尹光生日遇到周潤發。
剛踏入82歲生日的尹光連日來在社交平台分享與後輩慶祝的合照，昨晚他上載了一條跟周潤發傾偈的短片及合照。尹光寫道：「要講到今年生日最大驚喜，就梗係俾我撞到發哥啦！佢仲叫我多啲運動添，下次跑步叫埋我啊！生日遇發哥，開心笑呵呵！～」
發哥教尹光如何跑步養生。
在影片見到尹光跟身穿跑步look的發哥傾偈，發哥著尹光切勿久坐：「唔好成日坐，坐得多好多病！」尹光其後連聲附和「即係盡量起身郁」。發哥隨即傳授心得，鼓勵尹光慢慢學跑：「你5分鐘得嘅，下次咪10分鐘，你嗰日跑到半個鐘頭就 OK。」
當尹光表示「我想跑好耐㗎啦」，發哥再謂：「你可以喺呢度走來走去㗎嘛」，尹光即刻醒起修哥胡修也是這樣，他說：「好似修哥話齋，喺屋企行嚟行去。」發哥點頭：「佢食完飯都行一個鐘㗎。」
發哥跟尹光言談甚歡。
不過，網民就把焦點落在合照上，笑尹光落濾鏡太重手，發哥立即回春到少年時。網民笑謂：「第二張咁重手呀光B」、「P到發哥變咗黃溢濠」、「發哥都變發仔啦！」
尹光貼出跟發哥合照，但尹光看來把發哥P得重手了。
ADVERTISEMENT
【👇送皇玥中秋月餅👇】
