浜口愛子甜蜜放閃爆老公坤哥每日表白自爆與港女生食飯要扮飽

吳業坤(坤哥)的日籍太太浜口愛子(Aiko Hamaguchi)擔任今晚(16日)《人妻私房料理》的嘉賓，為觀眾炮製「高湯玉子燒」及「日式乾咖喱」兩道日本菜式。Aiko更分享與坤哥相處的甜蜜點滴。結婚前從未到過香港的她，初到埗時最難適應的是語言。由於本身英文和廣東話都不太流利，超初溝通相當困難。

Aiko形容自己已經成為半個香港人，完全適應香港的生活節奏，回到日本時反而會忍不住在心裏叫其他人：「行快啲！」

來港4年的Aiko現在已經可以獨自買餸，還掌握當中的小技巧：「講我要呢個、呢個就得！」她更形容自己已經成為半個香港人，完全適應香港的生活節奏，回到日本時反而會忍不住在心裏叫其他人：「行快啲！」Aiko亦可愛地在幕後問工作人員自己的廣東話如何，大家能否聽明白。

談到香港男生時，Aiko大讚他們很Sweet，令本集主持陳子豐大感驚訝。不過 Aiko隨即解釋：「但我老公唔係太 Sweet嘅，唔會喺啲節日送花俾我，但會直接對住我講:「你好靚、好鍾意你……」甜蜜放閃！最後，Aiko更搞笑地自我告白：「其實我好鍾意食嘢、好大食，但係同女仔朋友食嘢，佢哋話飽，我都會扮飽，但其實我仲好想食！」可愛滿分。