MIRROR現身觀塘出席團綜《MIRROR ACE》記者會。（蘇文傑攝）
MIRROR今日聯同桌球「世一」吳安儀現身觀塘，出席團綜《MIRROR ACE》記者會，10位成員在活動後受訪，AK江𤒹生率先公開道歉，承認上月28日在MIRROR演唱會記者會上態度不當，經反省後向記者、團隊及大眾致歉：「對唔住！」形容事件是寶貴一課。
解釋壓力大吃不消
AK表示：「當日嘅態度係有不當，我自己返去都有反省，係有不當嘅，因為最近喺……生活上好多壓力吃不消。但係我覺得無論有啲咩壓力都好，當日都不應該有呢個表現嘅。所以就……我自己有反省過之後，我覺得今日係需要同大家講聲對唔住。因為都佔用了幾多嘅公眾資源。」
問到有甚麼壓力時，他沒表面甚麼事件，只道很多方面都有壓力。他直言情緒管理是重要學習課題，「喺我生命中需要好多好學習嘅大課題，就係好好疏理自己內心嘅情緒，我當日的確有做得未夠好地方，希望將來做得好啲，以好啲嘅形態見觀眾。」