馬海倫快將80歲，而媽咪也100歲。（娛樂組攝）
馬海倫與劉丹出席活動時，透露媽咪已經100歲，還可以認到人，只是餐食只能靠食軟餐。她說：「佢OK㗎！只係有少少腦退化！我唔使返工就朝早5點幾搵佢，拎副麻雀同佢玩下！」她指媽咪的麻雀腳都已經仙遊，所以會跟她玩下，有時看電視會問下她認不認到哪些演員是誰。
她透露現時仍有不少工作，當中包括有電影拍攝，近兩個月也有工作安排。她又指會跟明星足球隊去不同地方，亦積極備戰各地的馬拉松賽事。她提到當年梅艷芳（阿梅）工作過於繁忙，才親自邀請她代為會長職務，曾志偉仲送了一個鑊給她，暗示做明星足球隊會長要孭鑊。她說：「嗰陣公司好多嘢拍，好忙我都冇去，就睇定啲先，就係咁冇孭過鑊好開心。（隻鑊點處理？）唔知呀，好似公司要咗。老老實實，明星足球隊領隊好好，一班兄弟姊妹都開心！」
馬海倫代職足球隊會長時，收到曾志偉送的一隻鑊。（娛樂組攝）
談到梅姐的骨灰被盜，曾志偉有暗中出手幫忙尋找，Helen姐說：「呢啲嘢佢哋在場處理緊，我唔喺現場，我唔係咁方便講咁多，應該都有人在場搞緊嘅。我諗攞咗個骨灰都冇咩用啫！」問到偷骨灰的人行為是否很缺德，Helen姐說：「當佢做呢樣嘢嘅人，佢係唔會諗到缺德呢樣嘢，又唔係幾好。憑良心，心安理得好緊要。」身旁的劉丹亦補充表示：「總之做就一定唔好啦！」
劉丹與馬海倫出席活動，二人都期待可以拍劇。（娛樂組攝）
