【71歲拍動作片】史泰龍復拍《轟天猛將4》

71歲都可以拍動作片，仲係好多打鬥好多爆破場面，因為佢係史泰龍(Sylvester Stallone)。由史泰龍領軍，集合一眾動作巨星嘅電影《轟天猛將》(The Expendables)已拍到第3集，原本第4集已經開拍，不過史泰龍同電影公司發生問題，所以龍哥早前表明唔再演出第4集。不過龍哥日前喺Ig發文話會回歸，仲有幾位新成員加入，即表示龍哥復拍《轟天猛將4》。好友阿諾舒華辛力加(Arnold Schwarzenegger)就話龍哥拍佢就拍，所以大家將會再次睇到兩大動作巨星現身《轟4》嘞!