早前李克勤與容祖兒到湛江開騷，缺席《勁歌金曲頒獎典禮》，TVB特別安排「人肉速遞」將「金曲金獎」頒發給他，在前晚出席「仁濟慈善活動」擔任表演嘉賓的他，更獲TVB禮待，為他舉行補頒儀式，對於張敬軒被退出《我是歌手5》，克勤說：「唔方便回應啦。」
今年與容祖兒頻頻到內地開騷的李克勤指，希望下年可以親身領取各個音樂獎項。
在「仁濟」的慈善活動前，TVB特別舉行補頒儀式，克勤分別為自己和容祖兒補領「金曲金獎」和「最受歡迎女歌手」獎，克勤說：「知道之前只有譚詠麟有呢個待遇，所以感到唔好意思，希望下年可以親自領獎，如果我可以得獎的話。」問到克勤農曆新年有何工作，他指應該與家人一起出外度歲。
等經理人發言才回應
至於有傳同屬英皇娛樂的張敬軒，臨時被踢出節目《我是歌手5》，所拍的第一集演出，更被全部剪走，對此，克勤表示甚麼都不知情，並說：「唔方便回應啦，我真係唔知道詳情，當然私下我有同軒仔聯絡，不過等好靚嘅霍汶希佢哋回應先，佢哋唔講，我當然咩都唔敢講啦。」
ADVERTISEMENT
【👇請你去香港迪士尼樂園Pixar Summer Fest👇】
