苟姑娘大騷事業線。
「處女黨」成員苟芸慧、岑麗香及李亞男，昨日一同出席商場賀年活動，在海外長大的3人在活動上寫揮春，當中以學過書法的苟姑娘識字最多，香香就以畫公仔過關。
香香、苟姑娘及李亞男齊齊寫揮春。
香香指強強正慢慢適應香港。
3年前因甲狀腺炎暴肥的苟姑娘，近日恢復苗條身材，成為網上熱話，她昨日以中性西裝打扮現身，露出事業線，笑言要保護兩位姊妹。自稱單身的她又表示：「今年要招收會員，因為成日被人笑剩番我一個。」提到樂易玲爆她開心蜜運中，苟姑娘表示不信對方會這樣說，問到是否跟「錫礦大王」後人陸漢洋拍拖，她表示：「有開心事會同大家講，佢係我好重要嘅賽車老師，(會否到對方家拜年？)我會同家人喺香港過。」
香香同強強包雲吞
新婚的香香與老公強強來港一段日子，問到老公是否適應，香香表示﹕「應該ok，慢慢嚟啦，我哋開始學煮簡單嘢食，例如包雲吞，佢負責洗碗。我哋第一次喺香港過農曆年，已經準備咗五位數(金額)慢慢入利是。(會否生BB幫手利是？)都好，不過未有計劃，冇咁快。」
李亞男透露新年會先與王祖藍家人一同外遊，之後兩人再去美國玩。亞男還透露與祖藍出現「第三者」：「我本來準備咗蛋糕同刺身過二人世界，點知後來老公個姪女嚟咗，所以有第三者。」
ADVERTISEMENT
【👇請你去香港迪士尼樂園Pixar Summer Fest👇】
