【Fresh Shot】葛珮帆是建制御用攝影師？

今日行政長官梁振英就施政報告出席立法會答問大會，期間劉小麗被逐，多名泛民築成人鏈企圖阻止保安，情況開始混亂時，多名建制派議員人立即彈起身攞個靚景，其中葛珮帆博士正舉起手機幫民建聯主席李慧琼拍LIVE，吖，有啲似曾相識，諗起葛珮帆上年11月亦曾經幫劉國勳拍片，莫非佢做咗黨內嘅御用攝影師？非也，大家黨友互相幫忙好正常啫，轉頭周浩鼎咪幫佢拍片囉！