阿Sa稱，有Chilam在片場必定充滿歡樂。
古天樂、佘詩曼、張智霖(Chilam)及蔡卓妍(阿Sa)等，昨日出席新戲《常伴你左右》的開鏡儀式。阿Sa指，Chilam常常在片場講鹹濕笑話，而且近10年來，不停介紹同一位男生給她做男朋友，卻被她嫌棄了10年。
阿Sa指，與張智霖拍戲很開心，因他經常在片場講鹹濕笑話，她說：「Chilam佢經常響片場講鹹濕嘢，引到我哋成日笑，不過同佢合作都幾開心。」阿Sa又稱，Chilam在10年前已經介紹一位男生給她認識，現在10年後也介紹同一個人，她笑說：「我同Chilam講，我同佢朋友已經識咗，唔使佢再介紹。」
死唔肯講拒絕接受原因
Chilam指，那個男生是圈外人，又稱阿Sa要求很高，他反問阿Sa：「如果嗰個男仔救咗你全家，為你俾人砍咗一隻手，你會唔會願意接受對方。」阿Sa續說：「唔得，真係接受唔到。」問她為何不接受，阿Sa卻拒絕透露原因。Chilam指，一直期待與阿Sa合作，為了有一個殘樣演出，更專誠晚晚夜蒲，Chilam笑說：「平時太容光煥發！今次個角色要有黑眼圈、血絲眼，所以晚晚去玩整殘自己，我同老婆講佢都唔信！」
古天樂與佘詩曼再度合作，今次將會飾演夫妻，他們笑稱，雖說今次是驚悚片，但都會有愛情動作戲。
ADVERTISEMENT
【👇送第6屆工展會購物節電子門票👇】
