【即時娛樂】未婚懷孕係禮物金在中失言捱轟

韓國男團JYJ成員金在中，去年底完成21個月兵役，前日舉行回歸後首場巡迴演唱會，久違再見歌迷，金在中開口夾著脷，不單揶揄部分粉絲冇男友，仲話韓國近來出生率低，「未婚懷孕唔係壞事，而係上天賜嘅禮物」，令死忠粉絲聽到眼都凸，更有死忠粉絲忍不住批評偶像，分享金在中在台上呼籲粉絲快快搵另一半、生BB：「唔使覺得對我唔住」，又話歡迎大家帶老公嚟睇演唱會。該粉絲理智地講：「女人唔係生育工具，出生率低亦唔係女方嘅錯，提倡出生率唔應該用一夜情或喺冇計劃情況下懷孕嚟解決」，更失望地話：「今日嘅演出唔值得花錢買飛」，引來網民討論金在中言論有物化女性之嫌。