安大略省西洋參種植者協會在今個情人節邀得烹飪平台「日日煮」合作，以加拿大西洋參入饌，設計出健康補氣的情人節菜式。其中原個焗蘋果加拿大西洋參金寶，製作簡單，成功率高，一於整佢嚟冧另一半啦！
材料： 蘋果 3個(一個切粒) 、牛油 100克、 中筋麵粉 120克 、 砂糖 70克 、黃糖 20克、蜜糖 2湯匙、 加拿大西洋參粉 1茶匙、 肉桂粉 1/4茶匙、雲呢拿雪糕 適量
做法
預熱焗爐至攝氏200度；焗盤鋪上牛油紙備用。
製作金寶脆面：將80克牛油切成小方粒，加入中筋麵粉及砂糖拌勻。
將餘下的牛油煮溶，加入蘋果粒、黃糖、肉桂粉及加拿大西洋參粉，用中火煮8-10分鐘或直到蘋果軟腍。
將2個蘋果切去頂部，用匙羹挖空，加入已煮軟的蘋果粒，鋪上金寶。
放上焗盤，放入焗爐焗10-15分鐘或直至表面金黃色。上碟，伴以雲呢拿雪糕，淋上蜜糖即成。
菜式的食譜和教學影片將會於2月6日起上載於「日日煮」網站及其Facebook專頁