張頴康不時分享一家四口的照片，十分幸福。
張頴康與麥雅緻於12年結婚，並育有一對仔女，一家四口十分幸福。張頴康不時在社交平台發表愛的宣言，絕對是超級愛妻號。昨日是他們相識14周年紀念日，但受到疫情影響，二人只可在車廂內食甜品慶祝。
張頴康與麥雅緻在車廂食甜品慶祝。
張頴康上載合照及親咀照，留言︰「因為疫情嘅緣故，相識14週年紀念日想坐低簡單食個甜品都唔得！阻我哋唔到嘅，雖然喺車入面食係『呢hea』啲，不過最緊要嘅，係有個地方俾我哋一齊緬懷吓14年前嘅今日發生過嘅事！我哋大家都覺得呢14年，由兩個單身嘅青年人，變成一對父母，轉變真係好大！真係要多謝當年嘅社交平台Friendster同MSN Messenger，幫我喺14年前嘅今日約咗呢個女仔出嚟睇戲！老婆，多謝你當日應約，而令到我哋有咁大嘅轉變！我愛你！」
二人更上載親咀照，大放閃彈。