連詩雅(Shiga)被揭其座駕時常佔用屋苑的訪客車位，棄用自己的專用車位，屢次投訴不果，引起不少住客不滿。日前她出席《慈善星輝仁濟夜》時，立即耍冧認衰，稱自己大頭蝦，又指事件已解決，並承諾不會再犯。
據了解，Shiga的專用車位距離升降機十幾個車位，不是太遠，而訪客的車位只得5、6個，有住客指Shiga過去3年為貪方便，常把座駕泊在近升降機的訪客車位。Shiga解釋說︰「我都知自己唔啱，大頭蝦。因為架車冇油又急住上樓，唔記得打俾管理處講我泊咗喺嗰度。當然件事令到好多住客好多不便，係我處理唔好，非常抱歉。下次我會小心啲，就算好趕時間都會泊好架車先。」問到是否慣犯，她說︰「唔係！我係有幾次，依家我真係知道滋擾到人，我唔會再咁。」她亦再三向住客道歉。
菊梓喬呻齋唱好悶
與Shiga同公司的菊梓喬謙稱自己不是「星夢一姐」，更直言恨拍劇︰「希望多嘢拍，有感情線，有對手，令我心動嘅戲。(要拍咀戲㗎喎？)都可以呀！淨係唱歌有啲悶。」她又透露早前有相士話她40歲後有姻緣，但只要畫好條眉便有機會破釜沉舟。」
菊梓喬希望可以拍劇，多些新嘗試。