ERROR昨日三缺一現身ViuTV頒獎禮。提到193隔空反駁曾志偉令他的IG follower急升，他說︰「好開心呀，多咗人睇返我哋節目，ViuTV個app頭10個節目有8個係我哋節目，多人睇返好開心，製作組博命做節目，以前冇人睇有啲失望，依家有人睇返我哋作品，好開心！」
他又透露報道出街之後，曾找花姐傾偈︰「佢(花姐)話資料性正確，但可以禮貌啲。我有問花姐會唔會無禮貌？因為我唔係想用『老嘢』，只係想話老一輩，不過衝口而出，但anyway，講咗就講咗。」
問到ERROR有沒有留意無綫有意捧「千禧五虎」，肥仔說︰「我哋得4個人咋喎！」193即謂：「乜而家仲用五虎呢個term咁娘㗎咩？」阿Dee聞言說：「嘩又嚟！」問到193日後見到曾志偉會否打招呼，他說：「會呀會呀，我唔係針對任何人，我係對件事講，都係數據上嘅嘢，完全冇講志偉哥任何一句嘢，純粹炒作，我不嬲好尊重前輩。」
ADVERTISEMENT
【👇請你去香港迪士尼樂園Pixar Summer Fest👇】
