游學修與盧海鵬(鵬哥)為ViuTV新劇《仇老爺爺》進行拍攝，游學修笑指，能邀請鵬哥出山，認真大面子，但自爆經常被鵬哥鬧，他笑說：「已經習慣晒，佢鬧嚟鬧去都係嗰啲嘢，開始覺得佢個人好友善。真係講你都唔信，拍到煞科日，鵬哥收工嚟拍一拍我，成套劇最親密就係呢一刻，可能佢開始覺得呢個𡃁仔係做嘢認真，開始認同我。」
游學修稱，未試過去外地拍戲，難得自己做導演話晒事，決定前往菲律賓帛琉取景，但鵬哥稱，去帛琉拍攝好辛苦，幾日戲已經曬到黑晒，鵬哥說：「地方真係好靚，可能佢哋就鏡頭啦，我哋就辛苦囉，眼都撐唔大！(游學修做導演得唔得？)比九十幾分佢，愈拍愈好，有進步！(想唔想再拍劇？)依家真係好難講，自己年紀大啦，好劇本而有需要我呢個角色，先會考慮。」