去年成為醫學美容代言人的Gigi梁詠琪，最近她為新一輯廣告拍攝，今次Gigi就成為出水芙蓉，穿上長裙晚裝的Gigi瞓在影樓內臨時搭建一個大水池內，配合一些優雅的手部動作，在水光波影下，展現完美的面部輪廓。
她說︰「其實只係有少少難度，因為想營造出好輕、好水潤嘅效果，兩邊有工作人員不停攞住咭紙潑水，而且雙手要浮喺水面，擺一啲好優雅嘅動作，但實情我隻手有重量，所以要凌空hold住隻手响水面，雖然返屋企手臂肌肉有啲酸痛，但效果好好！哈哈，當做咗一日gym！」
不過Gigi為了這輯廣告，浸在水裡浸足4粒鐘。她說︰「因為要就條腰線，又要就個樣靚，加埋雙手做動作，浸足4個鐘，條腰同對手好攰，手腳浸到皺皮。」工作人員準備大量毛巾、薑茶、暖爐給Gigi保溫，確保她不會因此著涼。為了展現肌膚最水潤、輪廓最突出的一面，Gigi在開拍前也特別接受了「水原共生」療程，希望拍出來的效果可以更理想。
