拍過不同劇集及電影的李靖筠(Gladys)，今年以歌手身分勇闖樂壇。日前她為一連七集的電台節目《騷動音樂》擔任客席DJ，為打響頭炮，首集Gladys就請來重量級嘉賓、公司的「大家姐」霍汶希(Mani)，二人在節目中大談經理人與藝人間的趣事，錄音結束後，Gladys仲製造小驚喜，送上蛋糕同Mani預祝生日，認真識做。
Gladys話完全沒想過可以成功邀請到Mani上節目，「都係膽粗粗、搏一搏問吓，其實Mani朝早有嘢做，陣間又要飛，點知佢真係應承，真係好開心。」節目中二人大放笑彈，講到點解會簽約公司，Gladys話因為覺得Mani好有「雷」，Mani大笑話：「借問聲，短短時間，你何來覺得我有『雷』呢？」之後Gladys又話自己一心諗住做演員，問Mani為何要她唱歌，Mani就話覺得她有能力，應該要試多些，「如果我推佢去死其實我都要死，哈哈，所以我唔會亂嚟，我都唔好害自己嘛。」
