請Mirror平衡陰盛陽衰 Sammi舞台俾所有人分享

台上嘉賓大堆頭，台下捧場朋友都好墟冚，雷頌德與太太Jade、陳法蓉、苟芸慧(圖)、劉浩龍及藍奕邦等，特地前來觀賞。

鄭秀文(Sammi)《＃FollowMi 世界巡迴演唱會2019》前晚舉行第8場，不忘提攜後輩，除了每晚與重金屬組合「鐵樹蘭」合唱外，這晚更邀請了全新男子組「Mirror」演出， Sammi笑稱有感前7場都請女嘉賓「陰氣太重」，刻意請來12位小鮮肉來平衡下。

每晚均會請嘉賓的Sammi，到嘉賓環節時她自己都興奮起來，幾乎說漏咀，及時發現還有一首歌未唱，她說：「導演喺耳機提我仲要唱一首歌，『嘉賓』喺後台食多個飯盒，等多一陣先！」之後她唱出《默契》，唱到一半Mirror成員姜濤和AnsonLo從升降台出場，觀眾尖叫，其他成員逐一從舞台四方出場合唱。唱畢Sammi笑說：「有鑑於呢幾晚都係請女嘉賓，陰氣太重，所以就請咗一班男仔嚟！」又說：「今次演唱會主題『我們都是這樣長大的』，雖然我Keep得好好，但我都一把年紀，Mirror呢啲十幾廿歲嘅年紀我都經歷過。我希望今次演唱會舞台可以分享俾更多唔同歌手，無論資深歌手又或者新晉組合，呢個台都可以分享俾所有人為大家表演。」

花多眼亂唔認得Mirror成員
面對Mirror12位小鮮肉，Sammi有點花多眼亂，讓他們逐一自我介紹，觀眾尖叫聲此起彼落，之後Samm對Mirror笑說：「你哋真係好犀利，飯盒又要買多十幾個，化妝師同車都要加倍。今日真係好開心，雖然第一次見面，彩排時我有睇佢哋表演，我覺得好犀利，Mirror為咗今次演出，專登全新排咗一隻舞同歌，我希望你哋(觀眾)可以俾多啲support佢哋！」然後Sammi落台換衫。