新戲押後上畫任達華網誌報平安

任達華日前在中山出席活動時，被刀刺中腹部及手指，經治療後現已由ICU轉去普通病房。昨日華哥上載了一張照片留言說︰「平安，謝謝大家。」太太琦琦連日到醫院探望，她表示華哥的恢復進度不錯，已經可以如常進食。

琦琦代老公轉達謝意，並著記者不要再留守醫院。問到華哥何時出院，她說︰「佢都想快啲，但要睇醫生決定，希望佢早日康復，最緊要華哥早日返屋企我就安心，醫生話等一個可以嘅情況就可以返屋企。」

英皇高層霍汶希(Mani)昨日早上到醫院探望，她表示華哥精神不錯，著大家不用擔心，預計兩、三日便可出院。問到中山遇襲一事，會否作出追究，Mani說會保留一些工作上要賠償給第三方的權利。她說︰「間公司派佢哋嘅總經理落嚟同我哋傾，華哥就話『唔使追究，件事唔關佢哋事』。我同佢講，華哥你太好人，我哋冇諗住追究，希望了解返件事情，想知嗰個兇徒咩動機。」

由華哥及梁詠琪主演的新片《小Q》原定於周四在大陸上映，但華哥因傷未能如期出席宣傳活動，加上涉及廣告贊助，電影公司決定把大陸上映期押後至9月20日，而香港的上映期則不變。