唔怕女朋友詐型袁偉豪楊明奉旨 (目及) 女

袁偉豪、楊明昨日出席《打工捱世界III》記者會，今輯他們飛到哥倫比亞拍攝，由於當地女士身材不俗，袁偉豪笑言，楊明今次攞正牌撩女仔，又搞笑表示返港後不習慣亞洲女性體形。

今次二人需要為選美節目招募女士，直情奉旨 (目及) 女。楊明笑言是為了工作，但其實很難為情。他說：「今次落晒order要 (目及) 女，監製要我喺街度叫當地少女參選，但我好耐冇試過當街識女仔，(有冇食檸檬？)當然有！食咗好多厚住面皮去攞電話，再加上我和袁偉豪的美色去勾搭。」袁偉豪表示在當地看慣了身材豐滿的女士，回港之後有點看不慣。問到怕不怕女友張寶兒不滿，他說︰「喺當地一段時間之後，自己又好似適應咗當地嘅風俗、氣候同埋哥倫比亞女子嘅身材，返到嚟香港係要適應返，不過好快，好快會習慣！」

此外，他們表示，第一輯到印度拍攝時遺失行李，第二次到非洲拍攝錯過班機，今次到哥倫比亞輾轉乘機40小時，更一度錯過航班。袁偉豪稱18日行程坐了11次飛機，因在美國轉機時，有工作人員遭海關問話，故錯過了原定航班，最後輾轉花了共40小時才到達哥倫比亞。他笑言，上機時很開心活躍，但落時機一臉殘樣，還在街邊拍攝跳拉丁舞，楊明則笑說︰「一落機就去拍跳拉丁舞，真係面都青埋。」