元朗打人嚇怕莊端兒

莊端兒和鄧月平昨日到九龍灣拍攝，二人各自分享兒時經歷。莊端兒表示讀小學時曾經撞鬼，又憶起中二拍拖時的男友高大又靚仔，加上住得近的緣故，可以一齊返學，感到非常甜蜜。至於鄧月平就指因為媽咪產前產後都有抑鬱症，大部分時間都要照顧母親，而且媽咪不喜歡她太早談戀愛，所以18歲後才拍拖。

提到日前元朗有白衫人追打市民，莊端兒直言看住Facebook時非常擔心，不明白為何有這些事發生。她說︰「我無求證過嗰個女人係咪大肚，但係嗰一刻會諗點解連女人都會打。(點睇警署落閘一事？)咁大個女都未見過，如果因為天氣、開工危險而落閘，我覺得正常；但市民係要幫助，好彩嗰晚有好多見義勇為市民。我真心唔敢入元朗，如果連女仔都打，我搭車經過都會驚。」