Tyson Yoshi遭獨立歌手ProdiG狙擊貼相逐一回應

Tyson Yoshi近日又捲入另一單風波，日前獨立Hip-Hop歌手ProdiG在ig限時動態以一段rap點名斥Tyson Yoshi是「跟風狗」、「無家教」。其後他再指自己有份為Tyson Yoshi第一首廣東歌填詞作曲，但對方為自己利益「將兩個人嘅歌出個solo版本」、「仲諗埋啲戇X故仔呃你班戇X fans話係幫啲癌症小朋友寫嘅歌，歡迎你哋班傻X繼續做戇X，信埋呢啲戇X故仔。」

ProdiG更講明「我就係唔X鍾意你Tyson Yoshi咁X假，喺度利用自己嘅身份同價值去同PR講唔想見到某啲artist，壓榨其他artists」。

及後，Tyson Yoshi在其IG限時動態逐一回應對方，他先以一個「唉」字作回應，之後再解釋有關於歌曲的問題。ProdiG所指的《Growing Up》，他寫道︰「當年《Growing Up》我係留空首歌嘅，第2段邀請佢參與，但係佢寫出嚟嘅旋律歌詞並未達到我心目中嘅要求，所以最後我決定自己完成作品並且發佈。」

對於被指為癌症小朋友寫歌只是作故仔，Tyson Yoshi說︰「所講緊嘅係《If I Die Tonight》嘅故事，並唔係《Growing Up》，我從來唔攞人命開玩笑，個小朋友已經走咗，請你尊重。」Tyson Yoshi亦反駁沒有向公關施壓，拒跟某些人合作，他說︰「小弟沒有咁嘅膽量亦都冇咁嘅權力去阻止任何人參與活動，小弟參與活動只有一個目的，就係賺錢，有客戶用我已經好感恩，何德何能控制品牌或者活動公關用人準則..」

之後他再貼出一個對話截圖，及一張在醫院病房跟病童的合照，對話截圖是患癌兒童的家長，希望Tyson可以在女兒最後日子與偶像聯繫的願望。Tyson繼而轉載自己之前的影片，當時他在台上哽咽說︰「我其實一路做緊自己音樂，冇諗過原來會成為一個別人臨走前想見嘅人……」接著便唱出《If I Die Tonight》。