睇相靠唔住，豬扒可沉魚，化妝加P圖可締造驚世易容。物極必反，網上居然熱玩扮醜挑戰，更出奇是眾多索女落力展示最烏歪一面！
在社群網Reddit發動的挑戰專頁名為PrettyGirlsUglyFaces，要求美女扭曲芳容擠出醜貌，再對比「美前醜後」，要鬥的是面目全非，無法辨認。還以為乏人問津的挑戰，竟吸引全球女孩踴躍鬥醜，亦真做到判若兩人效果。綜觀眾人的扮醜伎倆，首要是擠出雙下巴，加上蓬頭垢面，簡直幾醜都有。專頁每天都收到數十份提交，訂閱人數激增至8萬。
【認佢唔到】靚女醜臉挑戰