洗米仔大呻同老豆去旅行好辛苦。
每逢家庭聚會，周焯華(洗米華)例牌交人，早前有網民拍到洗米華一家人飛日本旅行。有份同行的洗米仔周柏豪深夜出了兩段片，內容就埋怨同老豆非常辛苦，他還以rap的形式唱出來。究竟同洗米華去旅行有幾辛苦呢?
洗米仔在第一段片話︰「我老豆佢其實整親隻手，上一次去旅行嘅時候，佢每一朝都要你8點鐘起身，唔知點解點解好似軍訓，明明去緊旅行唔係應該relax啲咩?點解成日都要我咁早起身，又話要出去行下街，其實佢真係好X多egergy，行完成日街又要行夜街，行完夜街又要食宵夜，食完宵夜又要飲嘢，飲完嘢又要出去行夜市，其實我真係好X累啦！聽日又要7點鐘morning call，你日日咁樣搞到我好囉嗦，我番到屋企又係咁ｘ累，我去旅行又要咁ｘ累，點解成日唔可以RELAX下，就算去滑雪都要8點鐘起身。」
在另一段片入面，就提到周柏豪的妹妹同洗米嫂都對此有微言。「阿妹上次又要投訴啦，我媽又要投訴啦，我唔同你食早餐啦，我食出前一丁，我pack左兩個喼都係出前一丁，唔需要落樓下食早餐，真係好陰公，我想去旅行relax下，點解搞到咁X似軍訓，真係好X眼訓。點解我又要出去，我地下一次去馬爾代夫，嗰度乜X嘢都冇，等你可以叫我做啲乜，乜X嘢都冇，11點先起身，12點做MASSAGE…」
之前有傳媒拍到洗米華在曼谷旅行時，一大早叫洗米仔落樓打波，未幾又到泳池邊看書，學洗米仔今次話齋︰「其實佢真係好X多egergy」。
ADVERTISEMENT
