同KB講數爭做老大　黃夏蕙︰我一把火燒晒佢！

早排黃夏蕙同Kevin Boy分別化身做「火燭鬼」同「膠魔人」，為長春社年度大型野外定向比賽拍片做宣傳。大家都知道星星之火，可以燎原，塑膠污染環境，兩者對自然生態有嚴重破壞力。

今次夏蕙ＢＢ這個「火燭鬼」就同「膠魔人」Kevin Boy在茶餐廳講數，不停吹噓自己的破壞力爭住認叻，期間更講到拍晒枱兼爆塑膠樽。夏蕙ＢＢ更嬲到話︰「我哋一把火就燒晒成座山，你邊有資格呀！我呢５年燒嘅郊野公園，成百年都救唔番。」

大家都知夏蕙BB早前曾經為南山圍被多次燒毀而感到心痛，KB亦都經常拍郊野公園的面貌作呼籲，所以他們希望透過短片眾人之力捍衛大自然美景，以及支持長春社今年的《生態捍衛戰》。