農曆新年就到，Ray每年都不會錯過花車巡遊，活動今年續由國泰航空贊助，除咗有9架花車表演外，仲有逾30隊來自本地和世界各地嘅隊伍表演助興。Ray噚日去睇過，唔少花車都有配合狗年嘅裝飾，好似旅發局花車加入狗年吉祥物和本地品牌Chocolate Rain角色，迪士尼更用布魯托做新春大使。馬會花車上金光閃閃的風車喺巡遊時不斷轉動，寓意共創更美好未來。表演隊伍則有擁13項健力士世界紀錄保持者「XPOGO極限彈跳隊」等參與演出。旅發局主席 林建岳 估今年可吸引約15萬人睇巡遊，匯演在大年初一下午6時開始，晚上8時花車巡遊在尖沙咀文化中心起步，花車在年初二起喺林村展出。