入境處一哥新聞系畢業
2016-04-06
#Hashtags
news-images

入境處新任處長曾國衛昨日履新見傳媒,雖然記者唔會客氣,問題尖銳,但佢表現仍然淡定,原來曾Sir同新聞界頗有淵源,皆因佢80年代於中文大學就係修讀新聞傳播系,本來夠晒正統訓練做記者,只係佢畢業後選擇投身紀律部隊,由助理入境事務主任做起,幾經歷練,結果今日做到一哥,證明條路無行錯,可喜可賀。曾Sir當年同學及師兄弟姊妹有多人現職各傳媒高層,而佢本身亦曾負責傳媒聯絡工作,怪不得面對記者駕輕就熟。

查實曾Sir於2011年升做最年輕助理處長時,已經係未來處長大熱,因之前幾年佢借調過去駐京辦,呢個駐京位係升職好位,有機會與內地各單位多些接觸,了解國情及制度,以及建立人脈,方便日後聯絡工作,至於駐京期間內地發生牽涉港人的突發事件,例如天災、車禍、流感等,如何處理都似係考緊牌。上任一哥陳國基亦同樣試過派駐北京,後來就升正。Ray在此祝曾Sir工作順利,令入境處服務愈來愈有效率。

 

投身傳媒工作多年,由市場研究做起,一直與公關、廣告、新聞界結下不解緣,心境永遠青春。

 

#Hashtags
Ranking
See All
See All
See All
See All

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多