星晨推大馬團1111優惠

馬幣處於一個月低位，市民遊馬來西亞的意欲大增，點知坊間原來仲有其他著數，似乎天意注定，Ray可以享受一趟馬來西亞叉電抵玩之旅。

話說星晨旅遊噚日在銅鑼灣分行舉行記招，公布與馬來西亞旅遊促進局合作，推出「1111體驗最美馬來西亞旅遊節」優惠詳情，Ray都有去湊下熱鬧，席間星晨總經理張淑雯宣布，凡即日至本月18日，於星晨旅遊銅鑼灣分行成為星晨匯VIP會員及兩位或以上同行，報名參加指定馬來西亞旅行團，即可享$1,111折扣優惠。換句話原價每位要二千幾蚊的行程，依家千零蚊就有交易，咁吸引，試問點抗拒？此外，購買指定自遊行產品(機票+酒店)，每位即減$100。睇怕Ray都係時候要攞假，執定行李出發。