有線電視財經資訊台星期日早上11點半的時事清談節目「周日不講理」，唔經唔覺做咗好多年，有一定收視，而由今個月起，呢個節目會改名，新名叫做「Sunday有理講」。據節目監製蘇永權話，新名字係希望俾觀眾一個新嘅感覺，更為年輕有活力，佢仲話呢個節目係全港首個以社交媒體同觀眾chit chat嘅清談節目，唔再停留於收Fax的階段，而係用WhatsApp即時收到觀眾發表嘅意見，於廣納民意方面係一個更有效嘅互動平台，與時並進咁話。
Ray都不時有收睇呢個節目，覺得佢地揀嘅題目都算熱門，旦不拘一格，又有城中名人做主持，睇得過，而收到料今個禮拜題目係「生於香港，有冇夢想？」，大家點睇？
投身傳媒工作多年，由市場研究做起，一直與公關、廣告、新聞界結下不解緣，心境永遠青春。