海港城
曾幾何時，香港被稱為文化沙漠，港人沒有藝術細胞，看來到了今日，此話已不再適用。
早兩星期，銅鑼灣有商場舉辦畢加索畫展，非常受歡迎，要排隊2小時才可參觀13幅大師作品。
好，你說香港人貪大名氣，並非愛藝術，那維港彼岸尖沙咀海港城的Art Gallery 辦了10年，由黃鴨到草間彌生都有Show，人客長做長有，又如何？
似乎在這城市，藝術必須和商業結合才有市場。唔講唔知，這小小的Art Gallery ，每年入場人數比隔鄰香港藝術館還要高。
就連起樓也要以文化藝術做theme，新世界近年項目用Artisan 做主題，聘著名建築師設計樓房 ，加入「繪畫視覺藝術」，老闆鄭志剛更親手寫了過百次「We are Artisan 」這標題，近期仲要搞咗個3層的Artisan Museum 展示樓盤文化。搞到高層笑言自己已轉行由做地產變成搞藝術。
無他，藝術可以是很好的賣點，有吸引力，但必須方便融入生活，才有意思受歡迎，周日一家大小飲茶後看展覽，家居有藝術設計，自然是好事，但要山長水遠去博物館看展覽，相信並不是大家杯茶（由於太多死忠，Star War 白兵例外）。
所以西九管理局引入故宮博物館，也要多動腦筋才可保證入場收視啊！