農曆新年學生閞始放假，但糊塗戲班的話事人陳文剛及魏綺珊夫婦，仍在每天朝九晚五同一大班演員努力排練，為的是一套講返學、反思教育價值的本土音樂劇《螢火蟲》，預備2月24至26日在高山劇場公演4場。最新消息係因反應熱烈，將加開2月26日晚一場，值得鼓勵。
呢個係糊塗戲班今年的重頭作品，故事來自印尼感人暢銷小說《天虹戰隊小學》，講述作者童年的真人真事，話說當地偏遠小島上有一間破爛學校，師生掙扎求存、對抗強權、追尋夢想，就如螢火蟲般，生命雖然短暫，但仍可竭力發光。一聽就知係催淚勵志作品。而劇中好多歌都係自己創作，Ray覺得比做一般話劇多一重難度，要演得又唱得，要求都唔簡單。魏綺珊覺得本地學生也應該反思一下，看看他方的貧困學生如何艱辛也堅持要上學。
目前一眾演員密鑼緊鼓，每星期5天、每天8小時排練。Ray在YouTube聽過佢地今次的部份新歌，清新悅耳，有驚艷的感覺。由於場地所限，就算加場亦有限制，要買飛就趁早啦。演出網站：www.nonsensemakers.com