年輕人做YouTuber見得唔少，而家連小學生都紛紛加入行列，如果大家認識有創意潛質的小朋友，不妨鼓勵參加由新城電台及VS Media主辦的「小小YouTube新人王」比賽，拍一段2分鐘短片參賽，入圍後仲有大師教路，話唔定小小年紀就一鳴驚人，最少都攞下經驗，試下自己實力。
活動對象為全港小學生，分初小組(小一至小三)及高小組(小四至小六)，可先到新城電台活動網頁填妥報名表，然後自由發揮創意，拍一段唔超過2分鐘短片遞交給大會，7月6日截止報名及上載短片。經初選入圍小朋友將接受專業團隊特訓 (新人王特訓班需收費100元撥作慈善用途)，再由專業評審選出總決賽名單，拍攝畢業短片，由公眾網上投票，選出「我最Like的小小YouTube新人王」，至於其他獎項仲包括最佳內容編導、最佳演繹 (男主角)、最佳演繹 (女主角)、終極全能大獎。