領展近年在香港導盲犬發展上出錢出力，今個星期六(4月27日)就在旗下旗艦商場樂富廣場為導盲犬舉行畢業典禮，屆時有11名導盲犬使用者聯同導盲犬一同畢業，而領展資助的5隻導盲犬就正式除低「Ｐ」牌，成為合格導盲犬。
今次畢業的其中一隻導盲犬Ginny，是領展夥拍香港導盲犬協會，透過「愛‧匯聚計劃」資助，於2015年從海外引進香港的8隻導盲犬幼犬之一。唔講唔知，Ginny已成功在香港開枝散葉，前年誕下7隻小導盲犬，產後又繼續接受導盲犬訓練，在去年5月已成功與視障人士配對成為正式的導盲犬。至於另外4隻由領展「愛‧匯聚計劃」資助的導盲犬，分別為Popeye、Pasta、Pepper及Pizza，到時都會一齊行畢業禮。當日現場仲會有好多遊戲、禮物及小食等，愛狗朋友到時可以一齊見證歷史性時刻。