今晚西甲有場獨腳戲，由基達菲主場迎戰畢爾包。基達菲近況回勇，上仗作客以2比0擊敗格蘭納達後，聯賽取得4連勝。佢哋向來主場成績唔錯，今季亦唔例外，至今3勝1和不敗，中場柏度李安及前鋒阿祖安哥倫加狀態回勇，兩人近3場聯賽合共攻入6球，係球隊贏波主要功臣。畢爾包繼主場賽和華倫西亞後，上仗喺多踢一人下，以2比0擊敗維拉利爾。佢哋向來靠主場搵食，但作客就認真麻麻，淨係開咧戰作客贏過華拉度列，其後三場全部輸晒。對賽方面，畢爾包近6次到訪基達菲，錄得3和3負成績，相當輸蝕。論近態及穩定性，主隊明顯佔優，預料可小勝對手。