一萬元的用途

只聽樓梯響的「政府派一萬」終於開放登記，雖然對於7月中能夠到手這回事，仍然有大量保留，但整個社會經已繃緊了一整年，派錢始終是件令人樂見的事。可是，大家有冇開始考慮如果有效運用？
 

對於「一萬元的用途」這個議題，Social Media上有為數不少的聲音，均希望大家能夠捐贈予有需要的手足、支持黃店、買Gear等等。但畢竟每個人的Situation不同，所謂要先自救才能救人，不用每分每秒都「鬥黃」，以下分享少少身邊人的例子，友人T在疫市下搬出來自住，忽爾間一闊三大，一日三餐由原本丼物變華御結／Pasta變杯麵，一萬蚊對她來說確實是滋補，有兩三個月不必再計住計住食Junk Food，至起碼能夠吃得營養一些。 

至於自己呢？我就偏向將一萬蚊儲起，為下一次「返屋企」作好基本機票酒店準備，早陣子和幾個現居日本的香港好友談論那邊近況，據說日本開放香港人入境的時間表，最快可能都要到2021年2月份。即是距離去年9月去東京接近一年半，計計時間都係時候放個靚假！至於地點呢，今次想揀未去過的九州一帶，既然非購物戰場，去得當然為嘗鮮，目標清晰明確：福岡屋台、新鮮佐賀牛宮崎牛等等，然後再殺上神戶探朋友，Perfect！雖然，最後可能都係揀返東京（笑）！

說這麼多幹嗎？收筆前耳邊傳來「還得到先好借」的聲音，所以一萬蚊到手後最大可能性，就是交卡數吧！