呢個禮拜冇乜主題，之前講過時尚離我已經很遠，這個世界發生這麼多事，香港這兩年更加是turn upside down咁滯，實在沒有甚麼時裝新聞能叫我振奮或上心。
近來再進一步無論mind and body都更遠離時裝了，不是說從此天體(就算我敢你也不想知)，本來我不是斷捨離的fans，但因為上兩個月大屋搬細屋，就算租埋「時裝」迷你倉，還是不夠地方擺放，唯有平生人第一次全盤大執屋，將所有行裝衫褲鞋襪一分為三：keep、sell or donate，要我拿去堆填係打死都不肯的了，斷捨的過程有冇sparks joy？我根本不信Marie Kondo那套，基本上我係星爺fans，「就算一張廁紙、一條底褲，都有佢本身嘅用處」。
而且做咗幾十年人，著咗幾十年衫，所謂的trend都是what goes around comes around，以前買落又搵得返九十年代的Prada尼龍袋就真是寶了，使乜買今日的Re-edition？我看著價錢牌覺得簡直不可思議，不知道甚麼人會買，Gen Z一代？強國人？
自己覺得係寶的東西當然打死不會賣，但因為人到中年，即係發福，很多寶都穿不下，心想不如改裝，例如連身裙比較易搞，找合適的布料，最好有點contrast，加在兩側或背後一塊panel過，加闊了不就可以再穿？既是心愛設計師作品又有personal touch，不亦樂乎？想得好美，可惜我一絲不懂縫紉，一直心動沒有行動。
在Ssense看減價貨完全沒有購物衝動，反而看到這條Vetements就真的覺得搵笨得緊要，這樣一件白T恤扮長裙，減咗都要四千多？甚麼星戰capsule系列云云，我去Uniqlo買兩件一式一樣的加大碼白tee再上下駁埋仲有特色過你啦，幫襯嗰位個腦有事，設計出來哪位更是無恥，好在這個brand近年都已經給潮童打落冷宮好耐，證明潮童也不是個個腦袋灌水。
講開又講，Demna Gvasalia已退出Vetements設計工作，這個品牌的糗事叫做不再關佢事，但他專心打理下的Balenciaga都不見好到那裡去，最近還被時尚糾察Diet_Prada踢爆品牌最新廣告意念抄襲學生作品，可見Gvasalia抄完罵治本尊繼續抄考下去，連時裝學生也不放過，好好地一間老牌時裝屋，俾佢搞到時裝四不像，Cristóbal本尊泉下有知，都不知該當有何感想，抑或唔敢想。唉。
Vetements條搵笨的白T恤裙減咗都要四千幾。
Kaia Kruber同Kylie Jenner拎的是同系列不同款的Prada Re-edition 2005尼龍手袋，雖然係尼龍，索價都近萬，但比起真皮算平。
Prada 87年秋冬的廣告照，影個尼龍袋都sensual過人。
給Diet_Prada踢爆抄學生作品意念。
Balenciaga 官方Instagram上的相，超牌係咪非要玩騎呢先至叫貼近而家一代？我是滿腦黑人問號。