COLLAR新歌《Gotta Go!》被指抄襲日本Yoasobi成名作《夜に駆ける》，網上資源豐富，聽眾自行比較心中有數，音樂人按專業標準判斷。事件突顯港娛圈缺乏危機管理意識，陣腳大亂。粉絲留言「Yoasobi應該榮幸被COLLAR採用」，更不知算力撐抑或幫倒忙。
作曲兼編曲監製C.Y.Kong遲遲表態曖昧，經理人Wing卻衝出post文「責任全係(喺)我到(度)」，口徑不統一，才致命傷。以着錯冒牌衫比喻，經理人去買(出錢由老闆)，藝人去穿，山寨之罪怎都歸製造商吧。用家頗難知道一件貨／一首歌涉抄的，雖然，《夜に駆ける》點擊已經二億幾。
港豬誤以為講句sorry就是勇敢承擔，但Wing憑甚麼承擔啊？接着說「我知道講咩都無用亦唔需要解釋」，解釋都懶，談何誠意？立即總結「我可以做嘅就係吸取教訓繼續努力」，看來她只志在保飯碗。既認衰咗，《Gotta Go!》會下架嗎？無提；作為廣告歌如何補救？唔知。這樣草率攬晒全部責任，等如不負責任。
真相，通常靜靜解決，大家很快不再關注。多年前，香港先後兩名作曲家橫空出世，群星爭搵寫歌，樂壇寵兒……漸傳出抄襲，表面不了了之，終被消失於武林。形容「江郎才盡」不夠準確，應該叫「東窗事發」。
不信？舉例請搜尋《迷惘》，1988年出CD作曲欄印着某香港歌手名字，至2003年精選碟偷偷變回鬼佬Chris Spheeris！
[email protected] 逢星期五刊登