相信今日出稿，大家都會估土下座一定係寫《最後生還者 第II章(The Last of Us Part II)》啦！所以為咗令大家估我唔到，決定唔講呢隻人人都會講嘅PS4大作，反而想推薦一隻大家好容易miss咗嘅《女神異聞錄5 亂戰：魅影攻手》繁體中文版！講起《女神異聞錄5》，唔少fans相信都不值呢隻質素咁高嘅遊戲，往往冇好大話題性，唔知點解總係小眾玩意咁，冇好似如早前《Final Fantasy 7 Remake》嘅RPG大作咁能夠引起唔同界別嘅廣泛討論。如果你係從未接觸系列，今次呢隻「非正統玩法」嘅新作反而更值得一試。呢隻新作係聯同光榮開發，將「無雙」玩法帶入「女神」！其實日文版早喺2月已經出咗，銷量與口碑都相當唔錯。香港人(中台都係！)鍾意「無雙」斬殺，分分鐘玩得比以往JRPG更投入，而且雖然係「無雙」，但《魅影攻手》保持到原著嘅角色、風格、節奏同埋大量劇情，玩落與「割草」完全唔同，叫佢做ARPG都絕不為過。對以往未接觸過嘅朋友嚟講，唔止可以趁機會入坑瞭解下呢個系列，就算獨立睇呢隻Game，亦係一隻非常好玩嘅新作，唔中意《The Last of Us Part II》都唔怕冇Game玩啦！