Tyson與Christy的婚短化妝由Daniel負責，因航班問題工具留在瑞士，唯有購買並非用開的化妝工具。
Tyson Yoshi與新娘子Christy在意大利舉行一連3日的浪漫婚禮，每日更新社交網與外界分享喜悅。當一個意大利浪漫故事發展順利之際，一個小風波就在日前發生。事緣為新娘子Christy化妝的化妝師Daniel，日前在網上分享Tyson婚禮的意外事件。他表示化妝箱因航班問題留在瑞士，唯有在意大利另購一套新化妝品。他說：「差啲要原地退休，不過都進行咗個不可能嘅任務，就係無慣用工具下化咗Christy個wedding。」Christy轉貼Daniel短片：「意外冇人想發生，婚禮順利完成，好滿意。所有人見到Daniel好幫手，有你幫手好放心。」
不過另一新娘化妝師Jacky Ip就發文疑說Daniel不專業。
唔見底褲都唔可以冇架生
Christy親自發文後以為事過境遷，點知Jacky發文疑針對Daniel：「化得靚唔靚唔評論，因為化妝好主觀。但我作為一個出oversea出咗十幾年嘅MUZ可以講一句，裝備唔hand carry真係好唔夠專業，仲要攞自己嘅失誤嚟自J。我識嘅所有行家包括我，寧願唔見咗條底褲都唔可以冇咗副架生。」
Jacky又說：「唔係好明連呢啲唔專業嘅低級失誤嚟博流量為乜。」此話明顯針對Daniel而來。
Tyson發聲反駁
Jacky一輪發文後，Tyson終忍不住留言：「我覺得化得好靚喎，你嘈咩？」Jacky就澄清沒說個妝唔靚，只係針對事件：「我係講緊成喼嘢冇咗係一個作為專業化妝師嘅專業操守問題，工具跟身係基本嘢嚟。可以先咀嚼一下我分享嘅內容先X我。」Tyson再留言：「咁你唔X啲地勤？」Jacky繼續說，客人ok只因為客人好，如第二個化妝師在普通oversea wedding發生，化妝師一定被公審。Tyson再回應：「化妝師專業操守會會長，你都係想搞到人哋冇工開啫，唔好咁正義啦。」
Jacky今日在IG限時動態表示：「你班盲撐L錯重點，我一定會堅持唔del post。」
ADVERTISEMENT
20周年「全城撐本地消費3重大激賞」！ 即睇活動詳情！
