我在廉署服務時，考核成為「持械人員」，學習使用槍械、警棍、胡椒噴霧。其中一項訓練，就是應對模擬場景。
我們會在小型靶場(Mini Range)受訓。靶場前方是紙製屏幕，教官會控制投影器，將模擬現實環境的片段打在紙製屏幕上，學員需要因應情況，以適當的武力應對，包括使用實彈射擊。訓練會全程錄影，並由電腦紀錄有關資料數據，作為檢討分析之用。
當年，廉署尚未自拍模擬場景片段，因此借用警方的片段訓練。片段都是以「你在咇份巡邏」作為開場白，然後播出巡邏時的現場環境和遇到的突發情況，考核學員的反應。學員必須根據現場的威脅和對方反應，以適當的武力應對。
我當年「在咇份巡邏時」，遇到市民跑向我，慌張地指有人在食肆持刀斬人，接著鏡頭急轉入食肆，見到持西瓜刀男子情緒激動，有受傷倒地。我立即拔槍指向男子，不斷喝令其放低武器，否則開槍。對峙一輪，男子向我揮刀，我開兩槍撃中男子右腹，施襲者倒地後，片段完結。
我以為過到關，誰知立即被教官照肺。
教官：「阿廷，你知唔知兩槍相距時間？」
我：「SIR，我唔知。」
教官：「其實我都唔知，因為你兩槍打得太快太近，電腦測唔到，而且中彈位置極近，你打了Double Tap。我從來冇教你哋打Double Tap，因為我哋要為每一槍負責。你第一槍打中佢個肚，你都未睇清楚佢係咪繼續襲擊，你就連打第二槍，如果真實情況打死佢，你就好大鑊！」
我默默受教，以後都唔敢打Double Tap。
E-mail：[email protected]