北方大國幾時開始收緊對香江之管治呢？屈指一算，就係響宇宙級世界第一大哥正式執政開始。咁即係同上一屆香江領袖贏得選舉開始。加埋依家好打得，即係六年至七年前，上面開始用硬功打香江。
自從好打得上場之後，有冇變化？真係冇。響好打得未上位之前，基本上北方要求已經好清楚：即係要掃低任何響香江踩紅線之人士。問題係，究竟好打得應該用乜嘢法律去打擊呢班踩紅線之青年而已。依家已經好精楚：當上面要開火打你香江之時，香江好多法律已經足夠有力去打壓之。而且，大家都睇到，響呢啲打壓人權之法例方面，好多都係英國佬遺留下來之法律。只要政府一開拖，加埋依家法院只係睇法律條文依法判決，家陣任何青年只要踩中北方大國之紅線，就即刻出手。
上面咁樣打壓，泛民自然會加大炮火打過去，但係除咗泛民，一般市民真係冇感。咁樣相當弊家伙。你會問，依家係咪「一國一制」呢？言之尚早啦，但我就一直覺得，去到呢個位，最緊要都係要睇美英雙帝點樣去睇美帝之《香港政策法》而已。
邊個有權定義「一國兩制」，令美帝可以繼續畀香江有特殊待遇呢？呢方面，當然唔係你同我，而係美帝。咁美帝點樣定義「一國兩制」呢？Sorry，佢地唔係睇《基本法》之實施或者執行之情況，而只係睇《中英聯合聲明》。咁即係，美帝要按自身法律去睇究竟有冇國家響執行《中英聯合聲明》之下，真係響香江實施「一國兩制」。講咁耐，即係美帝之《香港政策法》，係睇下有冇國家冇履行《中英聯合聲明》。咁樣，英帝就變得好重要。一旦英帝話畀全世界知道，香港係冇行到「一國兩制」之情況，咁美帝又會唔會有任何行動回應？
當然有啦，因為如果美帝覺得，香江冇咗「一國兩制」，得番「一國一制」，咁樣《香港政策法》就畀咗美帝總統有權力，可以發出行政命令，令香江冇咗特殊待遇。遇到咁嘅情況，其實都係得番英美雙帝有發言權，北方大國點樣講都冇用。美帝呢方面唔係傻瓜，點會只係聽北方大國個說法呢？
所以，希望大家都理解，唔好以為美帝係怕咗北方大國，唔會以後唔敢郁香江。而係，應該倒轉講，美帝過往好多年，一直都係以合作為主，對抗為副之操作，港美只係講貿易唔講其他。實際上，美帝好清楚，只有佢地至可以certify香江有冇一國兩制，佢地查實係控制住香江之咽喉。因為只要美帝認為香港冇「一國兩制」，唔畀香港有特殊待遇，其他西方國家就會跟住做，咁香江經濟就會面對最大之損失。講番，如果香江繼續搞反對運動，只會吸引侵侵之目光，小心有不良後果呀！
ADVERTISEMENT
