港人外遊最愛曼谷石垣島人氣急升

2018年即將結束，又係時候開始部署2019年旅行攻略，Ray近年喜歡參考一下各旅遊網站公布的數據，睇睇大趨勢，到底熱愛旅遊的香港人，最新蹤影係世界邊個角落？

據Expedia公布2018年5大最受港人歡迎外遊目的地，屬意料之中，依次為曼谷、台北、東京、首爾和大阪。
至於港人十大人氣急升的旅遊熱點，排頭位係日本沖繩的潛水勝地石垣島，呢個應該同近年廉航開辦直航有關。第2及3位則因世界盃熱潮帶動的俄羅斯聖彼得堡和莫斯科，至於其他7大上榜地點，5個都以「陽光與海灘」作賣點，包括越南的芽莊和峴港、因粉紅沙灘而成「打卡」之選的印尼龍目島、海天一色的斐濟楠迪及文化古城斯里蘭卡科倫坡，其餘兩位則由日本九州城市福岡和「南極光勝地」新西蘭基督城瓜分。十大勁升熱點多為短途旅行，可見港人愛利用短假快閃充電。