4香港攝影師入選世界攝影大獎

雖然依家攞住部手機都可以影相，但係Ray覺得都係用相機影出嚟嘅先至夠味道。啱啱睇到由世界攝影組織舉辦嘅「索尼世界攝影大獎」作品，由全球200多個國家及地區共32萬份作品中選出嚟，其中原來有4位香港攝影師的作品入選前50名，真係好犀利！

除咗本地攝影師入圍之外，仲有3位旅居香港的攝影師作品喺專業組及公開組中成功入圍及獲得表揚，其中一幅仲要係喺香港維園舉行嘅香港網球公賽中拍攝嘅㖭！令到Ray都想攞返部相機出嚟鍛練下。