世界盃對於商家嚟講係龐大嘅商機，睇波離唔開有美食相伴，所以麥當勞開始搞新意，特別搵嚟萌爆嘅LINE FRIENDS合作，5月31日起推出LINE FRIENDS主題包裝的美食之外，仲由6月7日起，推出LINE FRIENDS明星隊產品。
講下食先，因為上屆德國隊贏波，所以今次就邀請滋味代表「德國辣雞堡」登場，到6月21日起，就由西班牙代表「蠻牛辣漢堡」接力。嫌唔夠新！同步推出全新「大大杯珍珠奶茶」，港式奶茶配黑糖風味珍珠，只要購買任何超值套餐加5.5元就得，用麥記App仲有專屬優惠㖭！
又嫌唔夠分！食全新「球迷珍寶桶」啦，內有8件脆香雞翼及8件香烤雞翼，加埋大熱回歸嘅「脆薯皇」、「香芋批」和「脆味分享盒」，夠晒大班老友分享嘞啩！通宵睇波後梗要飲杯咖啡叉叉電，6月30日至7月11日期間，食超值早晨套餐就送濃香咖啡免費加大。
講到尾，球迷都有LINE FRIENDS的，Brown、Choco、Cony和Sally就組成明星隊，顧客只要買任何食品加30元就可換一個；要晒全套4個的話，加188元就換到，仲送埋特別版手提袋一個㖭。另外，幫襯麥麥送滿70元，加55元又可換特別版Brown咕𠱸一個，輸咗波都有得攬攬安慰下！
