世界盃開鑼在即，信和集團旗下三個商場奧海城、屯門市廣場和荃新天地將會同ViuTV合作電視直播球賽，以「Goal Together 全城開波」主題活動迎接四年一度世界足球界盛事。
今年球迷可以去奧海城透過全港室內最大450吋大電視睇波，大小是一般42吋家用電視機的100倍，商場於今個月28日至5月1日期間，更聯同英超球隊利物浦舉行「Liverpool! YNWA!派對」，現場同近千名球迷體驗450吋大電視，一齊睇利物浦與史篤城英超直播，真係未到世界盃開鑼已經製造狂熱氣氛。同時奧海城仲同英超球隊合作將商場變身足球場，俾小朋友著上整齊制服化身小小足球員、球證或教練，親自體驗職業足球的刺激一面。
屯門市廣場亦特別照顧女球迷需要，邀請星級化妝師Allen Lee於指定賽事期間駐場，講解當日賽事國家球隊的妝容打扮特色，而若消費滿指定金額，化妝師更會親自為女球迷換上愛隊妝容，以及親授化妝技巧。而Allen Lee亦會替男球迷的臉上彩繪心儀愛隊國旗，希望人人投入。
全城狂歡派對當然少不了人人至愛的大抽獎，奧海城、屯門市廣場、荃新天地、中港城、尖沙咀中心及帝國中心以及黃金海岸商場將攜手打造「全城開波Goal Together大抽獎」，豐富獎品包括雙人足球盛事賽事門票連來回俄羅斯機票及酒店套票等。