呢幾日社交平台流行玩10年變化 (#10yearschallenge)，一時之間，人人上載10年前後相片對比，例如家庭成員增加等場面，溫馨滿到瀉，亦有人以10年來凍齡外觀來呃Like。不過，政府高官之中，以環保局長黃錦星最特立獨行，佢嫌10年太短，一嚟就39年，上載咗1980年同2019張相比，由行山文青變到依家坦蕩蕩咁，仲將hashtag改為#over10yearschallenge。佢留言話眨眼30幾年，一直熱愛環保，年輕時已酷愛郊遊、行山及露營，並且奉行「郊野無痕」，自己水壺自己帶，順便sell埋目前已進入立法會審議階段的垃圾收費草案，果然進取。
