為何要整容？

身邊好多女人都整甲，包括我老母……我試過直接告訴她們，「男人從來冇望過你哋嘅指甲半秒。」「你試下而家收埋對手，問下身邊嘅男人，記唔記得你指甲咩色？冇男人會答得出。」這樣說很父權？現在還是「女人扮靚係為咗吸引男人」的年代嗎？

因此女人會回應：「我整俾自己睇，唔得咩？」其實我知道，她們除了是為自己整，也希望身邊其他女人讚美。這就好像，男人著波衫，「大佬，你唔會覺得啲女人見到你著曼聯，而覺得你好有型嘛？」男人有時都只是想其他男人知道自己係曼狗，互相安慰一下。

想通了為誰而整，也是時候直接問句——「咁整容好唔好？係咪多數靚咗呢？」非正式統計，我很少聽到別人說「嘩，佢真係整得好靚。」而多數時間都是「嘩，佢整容呀？真係越整越醜。」即使整容的是男還是女，情況都差不多。

原本醜的，希望整容能使自己變靚一點，縱使我覺得多數失敗，還可算「情有可原」，但很多人原本已經是靚仔靚女，例如不少明星(雖說「例如」但又不能例如出來，況且也不需要例如了，我肯定每個人都能隨口數得出十個八個)，怎麼突然加工？當初醜的沒變美，原本美的變醜了，這就是多數「整容」的後果。

最弔詭的是，整容應該明顯還是不明顯？「其實你覺得人哋睇唔出你整咗容？全部人一睇就知㗎喎。」如果有人以為整容只是「微調」，那就真是太天真，「如果整完冇變過，咁整嚟做咩？」如果自己都知道整容就像「易容」(連認識的人都突然覺得「唔認得你」)，那就要有心理準備，很多人會覺得你「整容失敗」。尤其是那些把鼻樑整得高高的(哪怕只是高了一點點)，真的很醜，「你自己整之前，冇見過嗰啲整高鼻樑嘅人咩？你真係唔覺得佢哋樣衰？你出街唔會忍唔住係咁望住佢哋，然後覺得佢個樣『好怪』咩？」

我是真心的，我覺得再平凡的樣子，都比整過容的好。整容就是加了MSG味精的湯，讓人越喝越口渴，反而更想渴求一杯清水。