香港喺科技業界不乏人才，Ray收到香港科技園啱啱公布好消息，就係佢哋旗下嘅「創業培育計劃」成員及夥伴企業，喺「2018香港資訊及通訊科技獎」中勇奪31個獎項，當中包括「全年大獎」、「最佳資訊科技初創企業大獎」、「最佳智慧生活大獎」、「最佳商業方案大獎」及9個不同組別的金獎。今次大放異彩嘅科技企業係倍靈科技有限公司，囊括5個獎項，其得獎產品係世界上第一款達到醫療等級可穿戴設備嘅倍靈指環，使用者喺睡眠時將指環配戴在食指上，即可預早檢測阻塞性睡眠窒息症的潛在風險，並追蹤睡眠時的精神緊張狀態。
仲有一間由科技園嘅培育企業——有光集團有限公司，其專注於人工智能的語音識別、自然語言處理技術和大數據解決方案，協助企業提升客戶服務水平，令其「最佳商業方案大獎」及「商業方案(商業及公營機構) 金獎」。其餘仲有6間科技公司奪獎，所以都話，香港喺科技上係人才輩出嘅！