各位梳乎蛋、蛋黃哥gudetama嘅粉絲，你哋擁有佢嘅機會又嚟啦！八達通推出全新gudetama 3D配飾，設有兩款可愛精緻嘅立體造型，分別係「水煮蛋」和「蛋炒飯」，明日起將會喺全線OK便利店發售。每款配飾均附有彈弓匙扣，咁就方便粉絲隨身帶住既心愛又實用的蛋黃哥，四處遊、輕鬆「嘟」嘞！
唔好以為蛋黃哥兩款造型只係一舊膠，Ray睇返介紹，原來兩款都有得玩下㗎，其中「水煮蛋」當蛋殼受到拍打後，蛋黃哥就會輕輕跳；至於「蛋炒飯」，當放在平面上被輕推一下，蛋黃哥就會左右搖晃，全方位展現蛋黃哥嘅懶散神態。
提提大家留意番，兩款蛋黃哥都係成人版八達通嚟，每款售價188元，不設按金及儲值額。詳情可瀏覽www.octopus.com.hk或致電顧客服務熱線2266 2222查詢。