昨日係世界糧食日，香港迪士尼樂園fb專頁播出一段應景短片，內容由該園行政西廚麥錦駒師傅，同吉祥物「大嘥鬼」比併廚藝，自創限時完成菜式，短片中的「大嘥鬼」選用魚的鮮嫩部分做食材，做出蒜香牛油魚扒，魚頭及魚尾等統統唔要，貫徹大嘥精神，相反麥師傅就地取材，以魚頭魚尾等做出魚湯及魚餅。結果園區賓客對魚湯及魚餅讚不絕口，而環保局局長最後出場試食，當然大讚麥師傅產品啦。其實麥錦駒師傅帶領廚師團隊，每日都會花時間同心機將剩食轉化成好味餸菜，捐贈給社區有需要人士，相當有意義。
以下係片中「雜菜魚湯伴魚餅」的食譜，大家不妨試下：
1. 清洗魚骨，加入凍水，以慢火煮約20分鐘。撈起魚骨，魚湯備用。
2. 將生菜、白菜、西蘭花切成條狀，加入魚湯。
3. 加入忌廉，以慢火煮至雜菜軟身，然後調味。
4. 開始準備魚餅，先將魚肉、洋蔥頭、甜椒頭、麵包皮切粒。
5. 加入芫茜、青蔥頭、蛋黃醬攪拌。
6. 放入攝氏190度焗爐焗約20分鐘即成。